CASTEDDU- A s'ispissu sa burocratzia chi dda tirat tropu a longu impedit sa crèschida e su isvilupu de s'ìsula firmende is progetos de tzitadinos e imprendidores. Dae oe, intrende in su giassu de sa Regione, si podet signalare normas e protzeduras impegnativas carchende in su banner "Sardegna+semplice. ". Su speciale at a abarrare ativu pro 12 chidas pro cunsentire a tzitadinos, impresas e assòtzios, no isceti de puntare sa lughe a subra de custas protzeduras- ostàculu, ma fintzas de donare consìgios pro megiorare su raportu cun sa amministratzione pùblica.